Këshilla për menaxhimin e stresit në shkollë, dedikuar mësimdhënësve

Ndiheni të stresuar? Nëse jeni një nga ata mësimdhënës që kanë shumë nxënës, pak burime dhe kërkesa të mëdha, nuk jeni vetëm. Qëndroni të qetë me udhëzuesin tonë hap pas hapi për të zbutur stresin e përditshëm.

Më poshtë mund të gjeni udhëzuesin për menaxhimin e stresit në shkollë dhe në klasë:

Këndoni!

Në një studim, të kënduarit me zë të lartë përmirësoi disponimin dhe rriti funksionin imunitar. Për më tepër, studiuesit zbuluan se vetëm dëgjimi i muzikës korale ul nivelet e hormonit të stresit. Bëjeni tani: Përfshini një këngë grupi në rutinën tuaj të përditshme ose filloni klasën duke kënduar një këngë.

Qeshni!

E qeshura mund të ndihmojë disponimin tuaj dhe të zvogëlojë efektet e stresit. Pra, qeshni bashkë me nxënësit tuaj dhe pas disa qeshjeve, do të jeni më të aftë për të përballuar stresin, me energji të përtërirë dhe fokus të rivendosur.

Merrni frymë (si duhet)

Realizoni teknikën “4 x 4 frymëmarrje”, e cila ndihmon në uljen e stresit. Kur jeni duke përjetuar nivele të forta stresi, merrni frymë thellë (vendosni duart në stomak dhe ndieni se ai zgjerohet), për katër sekonda, pastaj nxirrni frymën në mënyrë të barabartë për katër sekonda. Vazhdoni të bëni këtë teknikë për 2-3 minuta për efekt maksimal.

Mbajini këmbët në tokë

“Çdo traditë mendje-trup e konsideron Tokën si një burim mbështetjeje dhe stabiliteti”, thotë Hanley, “dhe ne kalojmë shumë nga koha jonë duke qëndruar pezull mbi të”. Nëse jeni duke qëndruar para klasës ose jeni ulur në tavolinë, ndani 5 minuta dhe vendosni shputat e të dyja këmbëve në dysheme dhe përqendrojeni peshën tuaj në të dyja këmbët. Do të ndieni lehtësim të menjëhershëm.

Shkruajeni

Kur keni nevojë për një çlirim emocional, nxirrni një fletore. Shkrimi i shqetësimeve tuaja mund t’ju ndihmojë të përballoni problemet dhe t’i shihni gjërat në një perspektivë të re. Këtë teknikë mund ta realizoni pothuajse kudo. 

Tejkalojeni         

Imagjinojeni veten të ulur në plazh duke parë diellin që perëndon mbi ujë. Qetësuese, apo jo? “Mbyllni sytë dhe shkoni në një vend që ju pëlqen – një vend që ju duket veçanërisht i qetë”, thotë Dowd. Pastaj relaksohuni!

Kërkoni ndihmë

Po, është në rregull ta bëni këtë. Pavarësisht se sa kohë keni dhënë mësim, ose sa i/e shkëlqyer jeni, do të ketë raste kur keni nevojë për ndihmë. Kërkimi i ndihmës nuk ju bën më të dobët, ju bën më të mirë në punën tuaj.

Nga: NEA Member Benefits

Burimi: Klikoni këtu   Klikoni këtu 

Përgatiti: Era Baliu, gazetare përgjegjëse e Portalit Shkollor Albas për Kosovën

© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

Total
0
Shares
Leave a Reply

Your email address will not be published. Required fields are marked *

Previous Article

Si të inkurajoni nxënësit tuaj të kryejnë detyrat e shtëpisë

Next Article

Këshilla për menaxhimin e stresit në shkollë, dedikuar mësimdhënësve

Related Posts