“Pranverë erëmirë” dhe “E ëmbla ditë” janë poezi me tematikë optimiste dhe shprese të shkruara nga Gëzim Dalliu, mësues i historisë, shkolla 9-vjeçare Shezë, Peqin.
Pranverë erëmirë
Pranverë e vonuar,
erdhe buzëprerë,
rrugë e paharruar,
vellon hedh në derë.
Pranverë e kurdisur,
shtrirë në lëndina,
kurorë e stolisur,
trembur oshtima.
Pranverë buzagaz,
rrezja zemrën prek,
bletët gjithë tallaz,
hapin çdo hendek.
Pranverë erëmirë,
dehur me nektar,
mbush çdo dëshirë,
si një det i paparë.
E ëmbla ditë!
E ëmbla ditë , buzëqesh.
rreze hedh, kohën ngjesh,
Vjen e ikën gjurmë lë,
troket heshtur,jo pa gjë.
Sjell agime ,jo trishtime,
nuk ke vend për qortime.
Je e pastër si ujë mali,
do rrjedhë e s’do ndali.
Mbyll të liga ,hap të mira,
mposht kohë të vështira.
E ëmbël ditë e bekuar,
mbush shpirtra të trazuar.
Gatuan jetë , jep shpresë,
asnjëherë nuk je e pabesë.
Je e Zotit dhe e gjithësisë,
dritë e udhës e njerëzisë.
Shkruar nga Gëzim Dalliu
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
