Ministrja e MAS, Evis Kushi, ka thënë se në këto ditë të ftohta po ndiqet me shumë kujdes situata e ngrohjes në shkollat e të gjithë vendit. Kushi ka theksuar se pas raportimeve mbi situatën në terren, bashkive i është kërkuar në mënyrë urgjente pajisja me sistem ngrohjeje e 28 shkollave.
Ministrja e Arsimit dhe Sportit, Evis Kushi, nëpërmjet një postimi në “facebook” ka pasqyruar situatën e ngrohjes në shkolla.
Kujtojmë vendi ynë prej disa ditësh është përfshirë nga një mot i acartë, sidomos në zonat malore.
Kushi shkruan se po ndiqen me shumë kujdes situata e shkollave në të gjithë vendin, ndërsa është kërkuar nga çdo bashki marrja e masave në kohë për sigurimin e ngrohjes dhe garantimin e kushteve për zhvillimin e procesit normal mësimor.
Ministrja shton se pas raportimeve mbi situatën në terren, është kërkua në mënyrë urgjente pajisja me sistem ngrohjeje e 28 shkollave.
Postimi i Kushit:
Duke konsideruar prioritet absolut shëndetin dhe mirëqenien e nxënësve tanë, gjatë gjithë vitit, e veçanërisht gjatë kësaj periudhe me temperatura tepër të ulëta dhe me ngrica në disa zona malore të vendit, po e ndjekim me shumë kujdes situatën e shkollave në të gjithë territorin e vendit, përmes strukturave tona arsimore.
Në komunikim të vazhdueshëm me çdo bashki dhe njësi administrative në vend, kemi kërkuar marrjen e masave në kohë, sigurimin e ngrohjes dhe garantimin e kushteve për zhvillimin e procesit normal mësimor, si pjesë e përgjegjësisë së tyre.
Për sa i takon situatës në terren dhe raportimeve në mënyrë të vazhdueshme nga zyrat arsimore, kemi kërkuar në mënyrë urgjente pajisjen me sistem ngrohjeje të 28 shkollave nga ana e bashkive respektive.
Ngrohja e institucioneve arsimore bëhet në disa mënyra: ngrohje qendrore me kaldajë, kondicionerë, ngrohës me energji elektrike, si dhe sobë me dru ose pelet. Duke vlerësuar këtë përpjekje të përbashkët me institucionet e pushtetit vendor dhe institucione të tjera, u kemi kërkuar bashkive të marrin masa për 51 shkolla ku ngrohja bëhet përmes sistemit elektrik por ngarkesa në rrjet ka sjellë vështirësi për ngrohjen optimale të tyre. Gjithashtu, i kemi informuar që të ndërhyjnë në 21 shkolla, ku sistemi i kaldajës ka nevojë për riparime apo furnizim me lëndë djegëse.
Në disa shkolla të zyrave arsimore Dibër dhe Devoll, ku temperaturat janë tepër të ulëta, orët e mësimit janë reduktuar me 10 minuta.
Për sa i përket menaxhimit të përbashkët të situatës, vijojmë takimet konstruktive dhe komunikimet e vazhdueshme me kryetarët e bashkive, për t’i falënderuar për bashkëpunimin dhe për t’i kërkuar vëmendje të shtuar në këto ditë të ftohta.
Kaltra Tafani
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
Somebody essentially help to make seriously posts I would state. This is the very first time I frequented your web page and thus far? I amazed with the research you made to create this particular publish amazing. Fantastic job!
635215 828520Ive applied the valuable points from this page and I can definitely tell that it gives a lot of assistance with my present jobs. I would be very pleased to keep obtaining back in this web page. Thank you. 212410
528599 995196Thank you for the auspicious writeup. It in fact was a amusement account it. Look advanced to a lot more added agreeable from you! Even so, how could we communicate? 144173
211170 68496I was seeking for this. Actually refreshing take on the details. Thanks a good deal. 372475