Çfarë është dhe për çfarë shërben kompjuteri?

Ky është një leksion i dedikuar për fëmijët e vegjël, që të njohin sa më mirë dhe shpejt funksionin e kompjuterit.

Kompjuteri është një makinë që e komandon njeriu dhe ka vetëm dy gjëra më shumë se ne: është shumë i shpejtë dhe ka shumë memorie për të kujtuar gjërat. 

KOMPJUTERI PËRBËHET NGA TRE NJËSI:

• TASTIERA DHE MIU (mouse) që shërbejnë për t’i ushqyer informacionin, mund të themi që është goja e kompjuterit.

• BARKU ku gjendet  truri, pjesë të ndryshme, memoria e kompjuterit, që shërbejnë për të përpunuar, tretur dhe ruajtur ushqimin e informatikës.

• EKRANI që shërben për të parë, PRINTERI për të shtypur në letër dhe BOKSET për të dëgjuar muzikën

ÇFARË MUND TË BËJMË ME KOMPJUTERIN TONË?

1 – TË LUAJMË

2 – TË SHKRUAJMË

3 – TË VIZATOJMË

4 – TË SHOHIM FOTOGRAFITË

5 – TË SHOHIM FILMA

6 – TË DËGJOJMË MUZIKË DHE PËRRALLA

7 – TË LUNDROJMË NË INTERNET DUKE KËRKUAR INFORMACIONE 

8 – TË BËJMË KËRKIME PËR SHKOLLËN

9 – TË FLASIM ME NJERËZIT TANË TË DASHUR QË JETOJNË LARG.  

10 – TË BLEJMË VESHJE, LODRA DHE GJËRA TË BUKURA

11 – TË BLEJMË NJË BILETË AVIONI PËR TË UDHËTUAR JASHTË 

Këshilla për prindërit!

• Rregulloni mirë tavolinën dhe karrigen ku do të ulet fëmija, në lartësinë e duhur, jo i shtrirë, shpina të jetë drejtë.
• Fëmijët nuk duhet të lundrojnë në Internet pa praninë e një të rrituri.
• Nuk duhet të qëndrojnë për shumë se dy orë përpara kompjuterit sepse i dëmton shëndetin.
• Vendosni një program që ndalon lundrimin në ëebsitet për të rritur. 

Durim Lika

© Portali Shkollor – Të gjitha të drejtat e rezervuara. Ndalohet kopjimi pa lejen tonë.