Testimi i gjuhës së huaj, ndëshkohen 12 maturantë

Maturantët që thyen rregullat e testimit të përcaktuara nga Ministria e Arsimit janë ndëshkuar dhe nuk kanë mundur të zhvillojnë provimin e gjuhës së huaj. Administratorët identifikuan 12 maturantë me telefonë në ambientet e përcaktuara për t’u zhvilluar testimi. 

Sekretari i Përgjithshëm në Ministrisë së Arsimit, Plarent Ndreca, u bën thirrje maturantëve të bëjnë kujdes në provimet e radhës dhe askush të mos besojë se teza e provimit mund të dalë më parë.

“Tezat dhe provimi i maturës shtetërore administrohet nën rregulla të rrepta sigurie, ashtu siç u provua edhe me vijimin e këtij provimi dje, i cili ishte provim model, u administrua në një mënyrë model. Në 37 mijë maturantë që kanë qenë në provim dje, janë konstatuar vetëm 12 raste, të cilët kishin problematika në respektimin e rregullores, mbajtjes së celularëve, të cilët janë penalizuar”, u shpreh Plarent Ndreca, Sekretari i Përgjithshëm në Ministrisë së Arsimit.

Kujdes! Maturanti ndëshkohet me përjashtim dhe humbje të provimit nëse:

  • Nuk qëndron në vendin që i është caktuar.
  • Nuk është i pajisur me dokument identifikimi.
  • Merr e jep informacion, kopje ose komunikon me maturantë/kandidatë të tjerë.
  • Bën komente për përmbajtjen ose zgjidhjen e testit gjatë kohës së zhvillimit të provimit.
  • Dëmton testin (palos, zhubros, gris, vendos shenja të dallueshme dhe të veçanta), ose nuk e dorëzon atë.
  • Përdor laps ose stilolapsa me ngjyra të ndryshme në plotësimin e testit, si dhe kur heq ose dëmton kodin e sekretimit (barkodin) të vendosur në test.
  • Mban telefon celular, radio ose çdo mjet tjetër komunikimi në mjedisin e provimeve.
  • Në rast se kandidati refuzon të largohet nga mjedisi i provimit, mbikëqyrësi i provimit evidenton rastin me procesverbal dhe e njofton atë mbi mosnjohjen e rezultatit.
  • Maturanti kandidati që përjashtohet nga provimi për shkelje të parashikuar, e cila përshkruhet edhe në procesverbalin përkatës, humbet këtë provim dhe ka të drejtë ta japë atë në sesionin e ardhshëm.

Lëndët dhe datat për provimet e Maturës Shtetërore 2017 janë:

  • Gjuhë shqipe dhe letërsi (D1)       10 Qershor 2017
  • Matematikë (D2)                           15 Qershor 2017
  • Provime me zgjedhje (Z 1/Z2)      23 Qershor 2017

(Albina Hoxhaj)

© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

Total
0
Shares
Leave a Reply

Your email address will not be published. Required fields are marked *

Previous Article

Vlerat ushqyese të pjeshkëve

Next Article

Shpërndarja e përqendruar e kërkimit gjuhësor

Related Posts