Është sa mallëngjyese aq edhe e vërtetë letra që i ka dërguar vogëlushi nga Kosova, Atis Zhdrella, mësueses së tij, teksa i shpreh mungesën që ndjen për të e për shoqet e shokët e shkollës. Ai është vetëm në klasën e parë!
Mësuese e dashur,
po të ishim në shkollë sot, do të na thoje t’i shkruanim disa rreshta për stinën e pranverës. Por, ja që nuk jemi dhe më mungon shumë.
Unë sot nuk do të shkruaj për pranverën, por për ty, shokët dhe shoqet e mia që më mungojnë shumë.
Mësuese edhe pse e pyes vazhdimisht mamin se kur do të shkojmë në shkollë, ajo me lot në sy më thotë që pasi të kalojmë pak kohë me gjyshin dhe gjyshen. Unë i dua shumë gjyshërit, por tani më shumë jam merzitë për ju dhe shokun tim, Lirin.
Unë nuk i kuptoj detyrat ashtu si me ty mësuse. Vazhdimisht i them gjyshes telefonoje mësuesen sepse ajo din më mirë. Kur unë them këto fjalë, ajo qesh me mua dhe m’i përkëdhelë flokët, duke më thënë se “eee prandaj je me i shkathët se unë”.
Mësuese, kur të hapet shkolla do të perqafoj shumë ty dhe shoqet e shokët e mi.
Me dashuri, Atis Zhdrella.
Për mësuesen Arbnesha Polloshka Shehu
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
