SHQIPERI | KOSOVE |MAQEDONI
Abas e-libër
Të fundit

LAMTUMIRË LATO! Nga Vebi Bexheti

November 9, 2020
4 minute read
55 comments
Total
0
Shares
0
0
0
0
0

Dhe tani, kur po i shkruaj këto vargje, i dashur Latif, që ti nuk do i lexosh asnjëherë, le të mbeten një nekrolog për ty, dhe lëvdatë për sukseset e punës dhe djersës, suaj, që bashkë me Ritën e kurorëzuat me suksesin me të madh të fushës së arsimit dhe të kulturës mbarëkombëtare.

Sa rëndë godet kjo murtajë. Sa e pamëshirshme që është, sa trishtime na sjell, sa lajme ugurzeza për shokët e miqtë, sa e kobshme për njerëzimin. Kjo e keqe e shekullit ta ndal frymën kur dëgjon për çdo ditë numërimin e atyre që i merr aq shpejt.

Lajmi për ndërprerjen e rrugës jetësore plot ëndrra, plane e projekte të mikut tim, Latifit, sinonim i ALBASIT, i librit shkollor, i letësisë dhe i botës shkencore në përgjithësi, ishte sa trishtues, aq edhe tronditës për familjen dhe për të gjithë ata që e njohën Laton, për familjen e tij të madhe në botën shqiptare dhe jo vetëm. Ky lajm, sa shpejt mori dhenë dhe u përhap si vet murtaja, në Tetovë, Tiranë e Prishtinë, duke plagosur zemrat e qindra e mijëra intelektualëve, autorë librash, studiues dhe fëmijë e nxënës të cilët gjithmonë do e kenë parasysh në faqet e para të librave emrin e botuesve, Latif Ajrullahu-Rita Petro, që aq shumë dhanë për librin, arsimin, shkencën dhe kulturën mbarëkombëtare.

Latifi ishte njeri i planëve të mëdha në fushën e botimit të librit, në përhapjen e tij, kudo ku kishte një shkollē shqipe , nga grupet parashkollore, e deri në nivelin më të lartë të shkollimit. Ai gjendej kudo; në Shqipëri, ku edhe e kishte selinë e Kompanisë ALB-AS, në Kosovë në Maqedoni, në Tetovë dhe në Miletinën e tij, që aq shpesh e vizitonte. Latoja dallonte nga shumë të tjerë të gjeneratës së vet, ai ishte njeri pak sa i veçantë, por i dashur për të gjithë. Nga ish nxënësit e tij, kur ishte profesor nē Shkollën e mesme të mjekësisë në Tetovë, mbahet mend si mësimdhënës i shkëlqyeshëm i Kimisë, edhe pse pak sa i ashpër në kërkesën e tij për më tepër dije. I larguar nga puna gjatë proceseve antishqiptare të diferencimit në Maqedoninë e kohës së Jugosllavisë komuniste, Latoja nuk kërkoi asnjëherë lëmoshë nga organet e Komitetit të kohës, përkundrazi, i përbuzi ato, edhe me kushtin që të marrë rrugën e kurbetit si ëmbëltor në disa qytete të bregdetit kroat.

Në kushte kur komunizmi kishte rënë përgjithmonë, edhe në dy anët e kufirit shqiptaro- shqiptar, Latifi u kthye në Tetovë me idenë për të nxjerrë një revistë në gjuhën shqipe. Pas një kohe të suksesit të fletores ALBA , revistë për kulturë e letërsi, ky njeri nuk u kënaq me kaq, por vazhdoi të mendojë për diçka më tē madhe. Si profesor i Kimisë që ishte, i lindi ideja që të studiojë edhe për Farmaci, profesion ky, ky që mund t’i hapte rrugë për biznesin privat. Me mbarimin e studimeve në Tiranë dhe marrjen e diplomës si Mr. i Farmacisë, në Tetovë e hapi një barnatore, ku gjithashtu nuk i mungoi suksesi. Hapi i radhës ishte formimi i Shtëpisë botuese ALB-AS, me seli në Tetovë, Tiranë dhe Prishtinë, kur bashkë me partneren, poeten tani më të afirmuar në letërsinë shqipe, Rita Petron, e vazhdon rrugën e sukseseve, për të arritur të radhitet ndër shtëpitë botuese më në zë të hapësirave shqiptare, e veçmas në ate të veprimtarisë së librit shkollor.

Sa herë që mbahej Panairi i librit në Tiranë dhe në qendrat tjera shqiptare, këndi i ALBA-SIT, ishte më i vizituari, sidomos nga më të vegjlit dhe prindërit e tyre. Aty gjithmonë mblidheshin intelektualë të njohur, shkrimtarë e autorë për të biseduar me Ritën dhe Latifin, për planet e tyre në veprimtarinë botuese dhe cilësinë e librit shkollor, që për fat të keq, në atë periudhë kishte rënë mjaftë. Sukseset e kësaj shtëpie botuese, falë njeriut vizionar dhe afaristit të suksesshëm, Latif Ajrullait, bashkë me specialisten e veprimtarisë botuese, Rita Petron, librin shkollor të mbarë hapësirave shqiptare, e ngritën në nivelin që e kërkonte koha, dhe me synimet e vazhdueshme për t’u arritur edhe më tepër.

Latifi, përveç veprimtarisë së suksesshme biznisore, la gjurmë edhe si krijues e përkthyes. Romani i tij KUFIRI, i kohës së thyerjeve të mëdha politike, kur kufijt e hekurtë u bënë lehtë të kalueshëm, përfshirë edhe ato që i ndanin shqiptarët, do mbetet vepër model, me temë dashurie, në kushte, kur kufijt e kishin humbur kuptimin. Me përkthimin nga gjuha kroate e veprës psikologjike të Skot Pekut, “Rruga në të cilën rrallë shkohet”, Latifi do përmendet edhe si përkthyes.

Dhe tani, kur po i shkruaj këto vargje, i dashur Latif, që ti nuk do i lexosh asnjëherë, le të mbeten një nekrolog për ty, dhe lëvdatë për sukseset e punës dhe djersës, suaj, që bashkë me Ritën e kurorëzuat me suksesin me të madh të fushës së arsimit dhe të kulturës mbarëkombëtare.

Lamtumirë miku im Latif, pusho i qetë dhe i sigurtë se vepra jote do mbetet e përjetshme!

Vebi Bexheti

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Total
0
Shares
Share 0
Share 0
Share 0
Share 0
Share 0
55 comments

  1. Howdy! Do you know if they make any plugins to assist with
    SEO? I’m trying to get my site to rank for some targeted keywords but
    I’m not seeing very good success. If you know of any please
    share. Many thanks! You can read similar text here: Eco bij

  2. Good day! Do you know if they make any plugins to assist with SEO?
    I’m trying to get my website to rank for some targeted keywords but I’m
    not seeing very good results. If you know of any please share.

    Kudos! You can read similar art here: Code of destiny

  3. I’m extremely inspired together with your writing talents and also with the layout for your blog. Is that this a paid subject matter or did you modify it yourself? Anyway keep up the nice high quality writing, it’s rare to peer a nice blog like this one nowadays. I like portali.albas.al ! It’s my: Stan Store

Leave a Reply

Your email address will not be published. Required fields are marked *

Previous Article

Lamtumirë, Latif! (2020)

November 7, 2020
Next Article

Mobilizimi që duhet në një vit të vështirë shkollor (viti shkollor 2020-2021)

November 10, 2020
Related Posts

Notice: ob_end_flush(): failed to send buffer of zlib output compression (0) in /home/albas/public_html/portali/wp-includes/functions.php on line 5427