Një seri librash shumë e dashur për vajza dhe djem që duan të argëtohen duke imituar të rriturit. Histori për fëmijët që duan t’u ngjajnë heronjve dhe të enden larg me imagjinatën e tyre.
Traktori i Petrit
Petri i vogël e kalon tërë ditën mbi traktorin e tij të bukur, duke u marrë me punët e fermës. Libri e fton fëmijën që të mësojë dhe të argëtohet, duke luajtur me Petrin dhe traktorin e tij të verdhë.
Avioni i Gastonit
Gastonit të vogël i pëlqen shumë të pilotojë. Me avionin e tij ai ngjitet mbi re dhe formon figura në qiell. Në këtë libër tregohet se sa bukur është të drejtosh një avion dhe të fluturosh sipër reve.
Anija e Leos
Leoja i vogël ka një anije të bukur. Përmes këtij libri tregohet se si një ditë ai niset për peshkim me anijen e tij. Por, për të drejtuar një anije, duhet të jesh kapiten i zoti dhe të kesh trup atleti!
Liza luan si mësuese
Liza e vogël u bën mësim kukullave të saj, njësoj si një mësuese e vërtetë: ajo bën apelin, shkruan me shkumës, pyet dhe jep detyra. Duke luajtur me Lizën dhe kukullat e saj, fëmijët mësojnë për profesionin e mësuesit.
Lola luan si mama
Lola e vogël luan si mama me kukullën e saj. Ajo e shëtit atë në park, i mëson për zogjtë e natyrën, e ushqen, i ndërron pelenën, i bën banjë dhe e vë në gjumë duke i kënduar ninullë. Libri e fton fëmijën që të mësojë dhe të argëtohet, duke luajtur me Lolën dhe kukullën e saj.
Klara luan balerinash
Vogëlushja Klara ka shumë dëshirë të kërcejë dhe me kostumin e baletit ngjan si një balerinë e vërtetë. Bashkë me shoqen e saj Lina, ato bëjnë prova për të dhënë një shfaqje para kukullave të tyre. Klara i fton mikeshat e saj të vogla të kërcejnë bashkë me të.
Nina luan doktoreshash
Nina e vogël vesh uniformën e doktoreshës dhe viziton arush-bebushin si një doktoreshë e vërtetë. I dëgjon frymëmarrjen, i kontrollon veshët, hundët dhe pastaj i bën një gjilpërë. Duke luajtur me Ninën fëmijët mësojnë profesionin e doktoreshës.
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
963587 206331It is practically impossible to discover knowledgeable men and ladies during this subject, however you sound like do you know what youre discussing! Thanks 903195
227565 735163You designed some decent points there. I looked over the internet for your issue and discovered many people will go along with together with your website. 582968