Hulumtimi i ri magjepsës vërteton se muzika shëron. Ajo mund të ndihmojë në ruajtjen e përqëndrimit, në ngjalljen e ndjenjave të lumturisë, si dhe në qetësimin apo tejkalimin e trishtimit.
Hulumtimi i ri nga Akademia Britanike e Terapisë së Zërave (BAST) ka treguar se muzika ka vlera terapeutike. Lind pyetja, sa kohë në ditë duhet për të dëgjuar muzikë?
Vitet e fundit, psikologët kanë vërtetuar se muzika mund të ketë një efekt pozitiv në shëndetin tonë, kështu që studiuesit e BAST-it, kërkonin të zbulonin nëse muzika mund të shërbejë si një terapi për të kapërcyer probleme të caktuara.
Studimi i tyre, i quajtur “Muzika si një kurë”, anketoi 7,581 pjesëmarrës dhe zbuloi se 89% e njerëzve mendojnë se muzika është e rëndësishme për shëndetin dhe mirëqenien e tyre, dhe për këtë arsye, pa dyshim, luan një rol të rëndësishëm në jetën tonë të përditshme.
90.15% e të anketuarve e përdorin muzikën për t’u relaksuar, 81.80% e dëgjojnë për t’u ndjerë të lumtur, 46.5% për të çliruar energjitë negative dhe 32.53% për t’u përqendruar më mirë.
Muzika më e mirë, që shërben për t’u relaksuar, ka një melodi të ngadaltë, të thjeshtë, pa tekst, me një kohë optimale dëgjimi prej 13 minutash. Të anketuarit raportuan shumë përfitime, duke përfshirë “uljen e tensionit të muskujve, heqjen e mendimeve negative, një ndjenjë të paqes dhe kënaqësisë së brendshme dhe një gjumë më i mirë”. Një studim tjetër zbuloi se muzika rrit performancën gjatë stërvitjes si, vrapimi apo çiklizmi.
Dëshironi të përmirësoni përqëndrimin tuaj? Të anketuarit thonë se duke e patur shumë të aksesueshme muzikën në jetën e tyre, arrijnë të marrin vendime më lehtë dhe me më shumë sportivitet. Pra, siç e shikoni përfitimet nga muzika janë të mrekullueshme. Bëjeni muzikën pjesë të jetës suaj, për të kuptuar avantazhet që ajo sjell.
Për të lexuar materialin origjinal, mund të klikoni këtu
Parajsa Shtini
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
