Albas është pranë mësuesve dhe nxënësve në të gjitha shkollat në vend. Ditën e shtunë Shtëpia Botuese Albas mirëpriti në qendrën e trajnimeve mësuesit e shkollave 9-vjeçare: “Ramazan Jarani”, “Ylber”, “Vasil Shanto”, “Vajdin Lamaj”, “Thimi Tani”si dhe ishte në ambientet e shkollës 9-vjeçare “Bajram Curri” në kryeqytet.
Mësuesit biseduan nga afër me ekspertët e digjitalizimit dhe ndoqën një orë model duke përdorur tekstin digjital dhe materialet multimediale të përgatitur nga Drita Kolndreu. Eksperti i IT-së pranë Portalit Shkollor, Albi Dudija, ju shpjegoi mësuesve funksionin e secilës ikonë që ndodhet në tekst, si të ruajnë materiale, të bëjnë nënvizime në tekst, të shtojnë materiale etj.
Ekipi i trajnerëve të Portalit Shkollor Albas ishte në shkollën 9-vjeçare “Bajram Curri” dhe bisedoi nga afër me drejtorin e shkollës Genci Mosho si dhe me mësuesite kësaj shkolle për librin digjital dhe mundësitë që ofron ai.
Mësuesit shprehen interes për të gjitha risitë që sjell Albas në procesin e mësimdhënies dhe mësimnxënies.
Mësuesja e gjuhës dhe letërsisë, Lindita Fejzo, na tregon se dita e punës në shkollë ka ritmikën e vet dhe larmishmërinë emocionale dhe problematike. Ajo na tregon se komunikimi i saj me nxënësit është shumë i kënaqshëm për çështjet mësimore, por edhe më gjerë se kaq.
“Krijimi, kjo është dhunti që një pjesë e vogël e nxënësve e shprehin. Përpiqem të zgjoj ndjenjën e së bukurës tek nxënësit, por duhet punuar më shumë në drejtim të motivimit. Veprimtaritë që nxënësit e mi zhvillojnë me dëshirë janë: interpretimi, dramatizimi, spektakli po për hir të së vërtetës nuk është se kemi infrastrukturë shumë motivuese!”, rrëfen mësuesja e gjuhës dhe letërsisë në shkollën “Bajram Curri”.
Trajnimet do të vazhdojnë dhe mësuesit do të njoftohen nga drejtorët e shkollave, me të cilët do të kontaktojmë ne, për orën dhe datën. Për çdo nevojë dhe sugjerim, jeni të lutur të na kontaktoni në: info@portalishkollor.al ose në numrat 042319002 dhe 0697098026.
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
