Ndodh që fëmija shikonnjë ëndërr të frikshme dhe zgjohet duke qarë. Zakonisht deri në moshën parashkollore fëmijët i konsiderojnë ëndrrat si ndodhi reale
Këto probleme me gjumin mund të shkaktohen nga sëmundje, nga lindja e një femije tjetër, filmat mbistimulues televizive etj.
Çfarë duhet të bëjmë për të qetësuar fëmijën?
Të sigurojmë fëmijën që nuk ka ndodhur asnjë gjë e keqe.
Fëmijës duhet t´i flasim pa e ngritur nga krevati. Mos i ofroni fëmijës krevatin tuaj ose ndonje lodër për ta qetësuar.
Mundohuni t´i flisni fëmijës me qetësi, jo në mënyrë të ngutur. Nëse është i vogël, fëmija mund të mbahet në duar për disa minuta dhe më pas të vendoset përsëri në shtratin e tij.
Në rastet kur fëmija është tepër i frikësuar mund të mbahet në shtratin e nënës jo për të fjetuar aty, por në gjendje të zgjuar për ta siguruar atë, për të dëgjuar muzikë së bashku ose për të lexuar diçka.
(Nga Blerina Luli, psikologe)
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
