Iniciativës “Dhuro një Libër për Fëmijë” iu bashkuan shumë qytetarë të Shkodrës. Pjesa më e rëndësishme e këtij aktiviteti ishte leximi i librave përpara fëmijëve.
EKO Mendje në Ditën Botërore të Librit, organizoi një aktivitet për të krijuar bibliotekën e Shtëpisë së Fëmijëve Parashkollorë në Shkodër.
Iniciativës “Dhuro një Libër për Fëmijë” iu bashkuan shumë qytetarë të Shkodrës. Pjesa më e rëndësishme e këtij aktiviteti ishte leximi i librave përpara fëmijëve. Pjesëmarrësit lexuan fragmente të shkëputura nga librat dhe dhanë mesazhin se sa i rëndësishëm është libri për ne.
Po kështu u prezantua edhe “Shpiza e Librit për Fëmijë” ku një herë në javë anëtarët e EKO Mendje-s, familjarë apo persona të ndryshëm do të vizitojnë shtëpinë e fëmijëve dhe do t’iu lexojnë libra. Kjo nismë u mor më qëllim që tek fëmijët të krijohet kultura e të lexuarit, por edhe fëmijët të kuptojnë që nuk janë vetëm, pranë vetes ka shumë njerëz që i duan.
EKO Mendje synon që kjo shtëpi të kthehet në një qendër të vogël kulture ku do të zhvillohen shumë aktivitete.
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
