Ulje në numrin e të diplomuarve kanë pasur të gjitha nivelet arsimore, 9-vjeçar, i mesëm dhe i lartë, por tkurrja më e madhe është shënuar në arsimin 9-vjeçar. Në vitin shkollor 2020-21, në arsimin 9-vjeçar u diplomuan 32.179 nxënës, duke shënuar një ulje prej 4,3 %, krahasuar me vitin e kaluar shkollor.
Sipas INSTAT, në vitin shkollor 2020-2021 u diplomuan në arsim 96.005 nxënës dhe studentë, me një ulje prej 2,2%, krahasuar me vitin shkollor 2019-2020.
Ulje në numrin e të diplomuarve kanë pasur të gjitha nivelet arsimore, 9-vjeçar, i mesëm dhe i lartë, por tkurrja më e madhe është shënuar në arsimin 9-vjeçar.
Në vitin shkollor 2020-2021, në arsimin 9-vjeçar u diplomuan 32.179 nxënës, duke shënuar një ulje prej 4,3 %, krahasuar me vitin e kaluar shkollor.
Sa i përket degëve të studimit, vihet re se fusha në të cilën janë diplomuar më shumë studentë është Biznes, administrim dhe ligj, 1/4 e numrit të përgjithshëm të të diplomuarve. Fusha e dytë më e preferuar nga meshkujt është “Inxhinieri, prodhim dhe ndërtim” me 18,9% të të diplomuarve meshkuj. Ndërsa, nga femrat gjithsej të diplomuara, fusha e dytë e preferuar është “Shëndet dhe mirëqenie” me 18,3% të të diplomuarave.
Zv. presidenti i Sindikatës së Pavarur të Arsimit, Isa Halilaj konfirmoi se në zyrën e Elbasanit ka 600 nxënës më pak se vitin e kaluar. Në deklaratat e tij Halilaj tha se ulja e numrit të nxënësve është shqetësuese kryesisht në zonat rurale, por edhe në kryeqytet ka pasur mbyllje klasash. Halilaj tha se ndër arsyet kryesore janë emigracioni për shkak të varfërisë, ulja e lindshmërisë dhe braktisja e shkollës. “Rreth 5000 nxënës braktisin shkollën sipas Bankës Botërore, kryesisht romë dhe egjiptianë”, u shpreh ai.
Problemi, megjithatë, është edhe cilësia sipas Halilajt. Prindërit braktisin fshatrat për shkak të “cilësisë së ulët të arsimit”, por edhe qytetet për në vendet e Europës.
Kaltra Tafani
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
