Dy skuadrat e gjimnazit “Shote Galica”, ajo e djemve dhe ajo e vajzave kanë fituar përballë skuadrave të gjimnazit “Skënderbeu”.
Mësuesit e edukimit fizik të gjimnazit “Shote Galica” dhe gjimnazit “Skënderbeu” kanë bashkëpunuar dhe kanë mundur të organizojnë një përballje në volejboll mes skuadrave respektive të të dy shkollave.
Skuadra e vajzave të gjimnazit “Shote Galica” u përball me skuadrën e vajzave të gjimnazit “Skënderbeu”, skuadra e djemve të shkollës “Shote Galica” u përball me skuadrën djemve të shkollës “Skënderbeu”.
Skuadrat e gjimnazit “Shote Galica” janë shpallur fituese. Skuadra e vajzave dhe e djemve të kësaj shkolle kanë rezultuar më të përgatitur dhe kanë mundur të rrëmbejnë fitoren. Ndeshjet ishin të forta pasi edhe skuadrat respektive të shkollës “Skënderbeu” e kërkuan me ngulm fitoren, por në fund nuk ia dolën.
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
