Temperaturat e ulëta, MASR: Mësim online për të gjitha shkollat nga data 15 deri në 19 shkurt

Për shkak të temperaturave të ulëta, MASR ka marrë vendimin që të gjitha institucionet e arsimit parauniversitar në Shqipëri do të kalojnë në skenarin e tretë të mësimit online për javën e ardhshme, nga data 15 deri në 19 shkurt 2021.

Sipas parashikimeve të IGJEUM, në vendin tonë pritet një rënie shumë e theksuar e temperaturave dhe rreshje të dendura dëbore në pjesën më të madhe të territorit. 

Për këtë arsye, Ministria e Arsimit, Sportit dhe Rinisë vendosi të kalojë të gjitha institucionet tona të arsimit parauniversitar në skenarin e tretë të mësimit online për javën e ardhshme, nga data 15 deri në 19 shkurt 2021.

“Në bashkëpunim me Drejtorinë e Përgjithshme të Arsimit Parauniversitar, si dhe të gjitha zyrat arsimore dhe drejtoritë rajonale në vend, po punojmë intensivisht për të marrë të gjitha masat e nevojshme që të garantojmë mbarëvajtjen e këtij procesi”, kështu ka shkruar në një postim në facebook Ministrja e MASR, Evis Kushi.

N. Allkja Biçaku 

©Portali Shkollor- Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Edukim dhe barazi për të gjithë

Next Article

Ministrja Kushi i parashtron universiteteve disa kërkesa për provimet e sezonit

Related Posts