Në mënyrë që mësuesit të krijojnë një ambient sa më miqësor për nxënësit, i ftojmë të realizojnë lojën e “Autoportretit”. Kjo është një mënyrë efikase sesi ata të socializohen me njëri-tjetrin dhe të argëtohen.
Në mënyrë që mësuesit të krijojnë një ambient sa më miqësor për nxënësit, i ftojmë të realizojnë lojën e “Autoportretit”. Një nxënës i ri mund të vijë në klasën tuaj, mbase edhe nxënësit aktualë nuk e njohin shumë mirë njëri tjetrin, sepse mund të vijnë nga shkolla të ndryshme. Ndaj, ju ftojmë të realizoni këtë lojë.
Mësuesi duhet të:
Krijojë një mjedis ku njerëzit të ndjehen lirshëm dhe secili nxënës të prezantojë veten, pra të thyhet akulli mes nxënësve.
Mjetet e nevojshme:
– Një tabak letre dhe një stilolaps për secilin nxënës.
– 10 minuta për vizatimin e portretit dhe 10 minuta për të parë miniekspozitën me autoportrete.
Çfarë duhet të bëni:
– Kërkojuni nxënësve të vizatojnë autoportretin në një fletë. Ata mund të përzgjedhin stilin që u pëlqen – artistik, karikaturë, abstraksion. Kërkoju që të shkruajnë emrin e tyre në autoportret.
– Kërkojuni që të shkruajnë në fund të fletës ngjarjet më të rëndësishme në jetën e tyre. Grumbulloji autoportretet dhe ekspozoi ato në tabelë ose në mur.
– Jepuni kohë nxënësve që të shikojnë ekspozitën.
Ky ushtrim zakonisht i argëton nxënësit. Ai është një mjet i mirë për të zbehur dallimet midis tyre dhe një akullthyes i përshtatshëm.
Është teknikë e mirë për nxënësit që të memorizojnë emrat e njëri-tjetrit dhe të njohin shokët/shoqet e tyre. Pasi, ana vizuale mbetet në memorien e tyre. Do ta shikoni pas kësaj “loje” që ata do të socializohet shumë me njëri tjetrin.
Më pas, ata duhet të lidhin autoportretin e ekspozuar me personin që fshihet pas tij. Mund ta organizoni edhe ne formë konkursi. Nxënësi që bën më shumë lidhje të sakta mes autoporteteve dhe personave reale, fiton.
P. Shtini
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
