Nga sondazhi që MASR kreu për mënyrën e nisjes së vitit të ri shkollor 2020-2021 rreth 87% e pjesëmarrësve, mësues, prindër dhe nxënës, kanë kërkuar që procesi mësimor të zhvillohet në shkolla. Artikulli ju njeh me sondazhin e plotë të 135.221 vetave.
Agjencia e Sigurimit të Cilësisë së Arsimit Parauniversitar (ASCAP) ka publikuar të dhënat e një sondazhi mbi mënyrën se si prindërit, nxënësit dhe mësuesit dëshirojnë/kërkojnë të fillojë viti shkollor 2020-2021.
Nga pjesëmarrësit në këtë pyetësor, 87% u shprehen se procesi mësimor mund të zhvillohej si zakonisht në shkolla, me grupe të vogla nxënësish, me orë mësimore të reduktuara dhe me turne, ose i kombinuar edhe me mësim online duke respektuar rregullat e higjienës dhe distancimit fizik.
Të dhënat e këtij sondazhi vijnë nga deklarimet e nxënësve, prindërve dhe mësuesve në lidhje me fillimin e vitit shkollor 2020-2021, ku në total ishin 135 221 veta: 18 665 mësues, 60 248 nxënës dhe 56 308 prindër.
Më poshtë mund të gjeni të dhënat/rezultatet e plota të këtij sondazhi
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
