Pas mbledhjes me zv. Ministren e Arsimit dhe Sportit Nora Malaj, drejtorët e shkollave kanë sqaruar maturantët në faqet zyrtare të shkollave për provimin e fundit me zgjedhje që zhvillohet të premten, më 24 qershor.
Në zbatim të Udhëzimit 3, datë 24.03.2016, “Për zhvillimin e provimeve kombëtare të MSH 2016” pikat 8-10, sqarojme se:
1. Maturantët / kandidatët që japin dy provime me zgjedhje, ku njëra prej tyre është gjuhë e huaj Angleze “TOEFL Junior Standard Test”, hyjnë në provim si të gjithë maturantët / kandidatët e tjerë në orën 10:00. (paraqiten në mjedisin e provimit në orën 08:30)
Testi i parë do të zgjasë 1 orë e 30 minuta dhe përfundon në orën 11:30. Kandidatët dorëzojnë testin e parë dhe fillojnë parapërgatitjen për testin e gjuhës angleze “TOEFL Junior Standart”.
Nxënësit do të qëndrojnë në mjediset e përcaktuara dhe do të instruktohen për zhvillimin e testit nga administratorët e këtij testi.
Provimi i gjuhës së huaj angleze “TOEFL Junior Standard Test” do të fillojë në ora 13:30, dhe do të zgjasë 1 orë e 55 minuta.
2. Maturantët / kandidatët që do të japin provim vetëm njërën nga lëndët me zgjedhje (jo Anglisht), fillojnë provimin në orën 11:30 dhe e përfundojnë atë në orën 13:00.(Paraqiten në mjedisin e provimit në orën 11:00)
3. Maturantët /kandidatët që do të japin provim vetëm një lëndë me zgjedhje atë të gjuhës së huaj Anglisht Toefl Junior, paraqiten në mjedisin e provimit në orën 11:30 në mënyrë që të futen brenda për t’u përgatitur njësoj si maturantët e tjerë që janë në mjedis.
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
