Pavarësisht se perfeksioni është shumë i vështirë të arrihet dhe çdo vit përmirësohemi duke mësuar zakone më të mira, ju sjellim disa këshilla, sesi në pak kohë ju mund ta përmirësoni gjendjen e klasës suaj, ndjeshëm. Duke i ndjekur dhe duke i respektuar hap pas hapi, ju lehtësoni punën tuaj.
1 – Së pari, kini parasysh çfarë rëndësie ka për ju vlerësimi dhe bëjani të ditur nxënësit.
2 – Krijoni për çdo material dhe punim skedarë përmes Google Drive-it, apo Drobox-it. Për të mësuar si t’i përdorni, ju ftojmë të konsultoheni me artikullin e mëposhtëm.
Si të përdorni Drobox-in për arkivimin e materialeve dhe fotove tuaja.
3 – Mos u bazoni vetëm në rezultatin përfundimtar (testimin përfundimtar) për nxënësin, sepse kjo është e padrejtë.
4 – Krijoni orë të hapura diskutimesh.
5 – Jepuni mundësi nxënësve të shkruajnë ese apo hartime, sepse njëkohësisht duhet të testoni edhe mënyrën e tyre të shkruarit.
6 – Disa orë mësimore bazojini në projekte, për të qëndruar në kontakt me punën në grupe. Në disa vende të botës, vlerësimi bazohet kryesisht tek rezultati i punës në grup.
7 – Mos i diferenconi nxënësit nga njëri-tjetri. Edhe më problematiku nuk duhet ta ndjejë distancën tuaj.
8 – Nëse një klasë është e zhurmshme, nuk është faji i klasës, por tërësisht faji juaj. Një mësues i përgatitur, “autoritar” dhe i respektuar nuk i ka këto probleme. Synimi i tij nuk është thjesht të mbajë klasën nën kontroll, por të arrijë objektivat akademike.
9 – Aplikoni taksonominë e Bloom-it në klasën tuaj.
10 – Njihuni me sfidat e nxënësve tuaj. Dikush ka sfidë të marrë notën maksimale, dikush tjetër të flasë lirshëm dhe pa emocione, një tjetër të dalë mirë në kontrollet me shkrim. Ndihmojeni!
11 – Pyetini gjithmonë nëse e kanë kuptuar atë për të cilën ju po flisni. Mos kaloni te një argument tjetër nëse nuk e kanë kuptuar.
12 – Krijoni herë pas here lojra në klasë, për të rrëzuar monotoninë e ditës dhe për të ngritur nivelet e energjisë ose për të inkurajuar punën në ekip.
13 – Promovoni orët digjitale. mos harroni ju jeni mësuesit e epokës digjitale.
14 – Nxitni të menduarin kritik.
15 – Jini të hapur ndaj sugjerimeve.
16 – Mbi të gjitha, jini humanistë, njerëz të “dhembshur”. Bëhuni modeli më i mirë në aspektin njerëzor dhe profesional për nxënësit tuaj.
Parajsa Shtini
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
