Ditari në lëndën e qytetarisë X, botimet Albas, është hartuar nga autorja e tekstit Eljana Brahja, e cila është bazuar në udhëzimet e IZHA për nismën “Tri lëndë në gjashtë orë”.
Fusha: Shoqëria dhe Mjedisi
Lënda: Qytetari
Shkalla: 5
Klasa: 10
Tematika: Mjedisi
Situata e të nxënit:
1. Rreziku më i madh për Tokën jemi vetë ne!
2. Popullata dhe përdorimi i burimeve të shterueshme të planetit po rriten me shpejtësi, ashtu si dhe aftësia jonë teknike për ta ndryshuar mjedisin për mirë apo për keq.
Tema mësimore:
1. Ruajtja dhe zhvillimi i mjedisit
2. Kontradiktat e zhvillimit
Rezultatet e të nxënit sipas kompetencave të fushës sipas temës mësimore:
Nxënësi/-ja:
-Shpreh mendimin për rëndësinë që ka ruajtja e mjedisit.
-Analizon përpjekjet për përdorim racional të burimeve.
-Diskuton në grup për kontradiktat e zhvillimit.
-Demonstron strategji për sensibilizimin e shoqërisë në drejtim të zhvillimit të qëndrueshëm.
Fjalë kyç:
– edukim mjedisor
– përgjegjësi individuale
– roli i shkencës
– zhvillim i qëndrueshëm
Burimet: Teksti mësimor (fizik), teksti digjital, interneti
Lidhja me fushat e tjera ose me temat ndërkurrikulare: Gjeografia, Historia, Shkencë toke, Kimia.
Organizimi i orës së mësimit, 90’
Hapi 1. Përvijim i të menduarit (15’)
Mësuesja organizon klasën në dy grupe pune. Nxënësve u kërkohet të reflektojnë për pak minuta rreth situatave (shprehjeve) 1 dhe 2. Njohuritë e tyre të deri më tanishme i diskutojnë sëbashku me mësuesin.
Grupi 1- reflektojnë rreth situatës 1
Grupi 2- reflektojnë rreth situatës 2
Hapi 2. Harta e koncepteve; Marrëdhëniet Pyetje-Përgjigje (25’) + (5’) Përmbledhje njohurish
Mësuesi/ja krijon në tabelë hartën e koncepteve dhe ndërton njohuritë e reja nëpërmjet metodës së Marrëdhënieve Pyetje – Përgjigje. (25’)
– Si mund ta mbrojmë planetin tonë?
– Përgjegjësi e kujt është ruajtja e mjedisit?
– Si ndihmon procesi i 3 R-venë reduktimin e mbeturinave?
– Cili është roli i shkencës në ruajtjen e planetit?
– Zhvillimi i teknologjisë përveç përparësive shkakton edhe ndotje. Çfarë sugjeron shkenca për të ulur nivelin e ndotjes?
– Çfarë detyrash shtrohen para shoqërisë dhe shtetit për të siguruar zhvillimin e qëndrueshëm?
Në fund të shpjegimit të njohurive të reja mësuesi/ja bën një përmbledhje të njohurive të dhëna. (5’)
5 minuta pushim për rimarrjen e energjive për orën në vazhdim
Hapi 3. Rrjeti i diskutimit (20’)
Mësuesi/ja organizon klasën në dy grupe ekspertësh të cilët diskutojnë rreth çështjeve:
– Ekspertët 1- cilat do të ishin përpjekjet tuaja për një përdorim sa më racional të burimeve?
– Ekspertët 2- çfarë do të propozonit ju për reduktimin e kontradiktave të zhvillimit në vendin tonë?
Hapi 4. (15’)
Diskutim i materialeve në tekstin digjital. Punim i detyrave të tekstit mësimor.
Vlerësimi (5’)
Vlerësimi sipas niveleve N1, N2, N3, N4.
Detyrat dhe puna e pavarur (5’)
Detyra e shtëpisë: Reflektoni në mënyrë kritike Fq. 71
Suksese mësueseve në nismën “Tri lëndë në gjashtë orë”!
Eljana Brahja
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
