Olta Luli organizoi koncertin e parë recital në flaut, në Lezhë

Shkolla 9-vjeçare “Besëlidhja” ka disa vjet që përgatit talente të reja në muzikë, nga ku hidhen hapat e parë drejt rrugës së artit. Olta Luli është një prej këtyre talenteve. Në Qendren Kulturore të fëmijëve “Gjergj Lacaj” ajo organizoi koncertin e parë recital në flaut.

Në koncertin e organizuar nga Olta, pjesë nga kompozitorë të mirënjohur u luajtën nga ajo, shoqëruar në piano nga Synjona Paplekaj, flaut Anxhela Kapja Hammad, ansambli i harqeve të shkollës “Besëlidhja” si: Concertino (C.Chaminade), Secret Garden, Conzert Koha e parë (W. Mozart), Suites si minor (S.J.Bach), duet flaut – Scherzo (Mendelssohn). E ndërsa recitali kulmoi me një kolazh me motive arbëreshë trio Olta, Orsida dhe Aria Luli.

Dashuria për flautin ka lindur tek Olta që herët, duke qenë e rrethuar nga një ambient artistik. “Magjia e tingujve muzikorë, më çel dyert e një bote të bukur dhe më jep shpresë për të ardhmen”, thotë instrumentistja e talentuar Olta Luli.

Prej 3 vitesh nxënësja e talentuar studion në këtë drejtim duke marrë pjesë në konkurse kombëtare dhe ndërkombëtare, e cila është vlerësuar me këto çmime: 

– Instrumentistët e rinj, fituese e vendit të dytë;

– Medici International Competition me çimimin “Honorary Mention”;

– 21st Contry Talents Music Compitition, fituese e vendit të dytë.

Olta ka spikatur që në fillim për talentin dhe vullnetin e saj. Ajo është pjesë e bandës frymore të shkollës, ndërkohë që me flautin e saj do të vazhdojë të frymojë nota pasioni dhe shprese.

Lindita Kokaj 

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Promovohen romanet “Ëndrra e Walacek-ut” e G. Orelli-t dhe “Në limb” e M.G.Mazzucco-s përkthyer nga Mimoza Hysa

Next Article

Ambasadorja Kim dhe Ministrja Kushi promovojnë Programin e Mikrobursave Access në gjuhën angleze

Related Posts