Mësuesi i këtyre tregimeve nuk është një person i vetëm. Është një guruhinduist, një roshi xen, një i urtë taoist, një rabi hebre, një murg i krishterë, një mistik sufi. Është Lao Tcu dhe Sokrati, Buda dhe Jezusi, Zarathustra dhe Muhameti. Fshehur në faqet e tij (jo në fjalët e shtypura, as në tregimet, por në frymën e tij, në gjendjen e tij shpirtërore, në atmosferëne tij) gjendet një urti që nuk mund të përcillet në gjuhën njerëzore. Duke lexuar faqet e shkruara dhe duke kërkuar për të hulumtuar fjalët enigmatike të mësuesit, mund të ndodhë të ndesheni pa vetëdije në mësimin e heshtur që fshihet në libër dhe të rizgjoheni… dhe të ndryshoni.
“A ekziston diçka si një minutë urti?”.
“Patjetër”, u përgjigj mësuesi.
“Por një minutë është sigurisht tepër e shkurtër”.
“Dhe pesëdhjetë e nëntë sekonda, shumë e gjatë”.
Pastaj u tha ndjekësve të habitur:
“Sa kohë duhet për të dalluar hënën?”
“Po atëherë pse gjithë këto vite mundi shpirtëror?”
“Për të hapur sytë mund të duhet e gjithë jeta.
Të shikuarit ndodh në një çast”.
Përktheu: Pllumb Gjergji
Blini online librin që dëshironi duke klikuar në www.librarialbas.al
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
