Nisin festimet e Ditës së Verës/ Në Elbasan u mbajt panairi i shkollave në art dhe zeje

Në prag të Ditës së Verës, nxënësit dhe mësuesit e 30 shkollave “Qendër Komunitare” të bashkisë Elbasan organizuan Panairin e Artit dhe Zejeve. Panairi solli magjinë e ngjyrave, kostumeve dhe gatimeve të Elbasanit me moton e përçimit të traditës brez pas brezi.

Në Elbasan nisën festimet për Ditën e Verës. Tradita e do që fëmijët të gëzojnë të parët. 

Nxënësit dhe mësuesit e 30 shkollave “Qendër Komunitare” të bashkisë Elbasan organizuan Panairin e Artit dhe Zejeve.

Të mbledhur nga të gjitha shkollat qytet e fshat ata kane sjellë traditën e bukur të secilës zonë që përfaqësonin. Art dhe zeje është panairi që solli magjinë e ngjyrave, kostumeve dhe gatimeve të Elbasanit me moton e përçimit të traditës brez pas brezi.

Për rreth një javë Elbasani shndërrohet në kryeqytetin e festimeve duke pritur mijëra miq.

Të larmishme janë aktivitetet e parashikuara nga Bashkia e Elbasanit ku nuk mungojnë as risitë.

Festivali i Ballokumes do të organizohet për herë të parë në qendër te qytetit nga zonjat elbasanase dhe tashmë do të keni mundësi të provoni ballokume të vërteta.

Ministrja e Arsimit dhe Sportit, Evis Kushi, e pranishme në këtë panair, u shpreh se, “kjo nismë, e cila bën bashkë shkollën, familjen dhe komunitetin do të vazhdojë të shtrihet në një numër gjithnjë e më të madh shkollash”. “Kjo nismë zhvillon talentin dhe rrit dëshirën e nxënësve tanë për të ruajtur, promovuar dhe mbajtur gjallë vlerat kulturore dhe traditën shqiptare”, u shpreh ajo. Kushi falënderoi nxënësit, mësuesit, prindërit, Zyrën Arsimore Vendore të Elbasanit që organizuan këtë panair, si dhe bashkinë Elbasan për mbështetjen e vazhdueshme.

©Portali Shkollor– Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Reagon ministrja Kushi për rastin e dhunës ndaj mësueses: Jam e indinjuar, dhuna s’është zgjidhje!

Next Article

QTPA, trajnim me kredite për modulin “Teknikat e pyetjeve dhe diskutimit”

Related Posts