Ndërgjegjja dhe Njeriu

Kjo është një poezi e shkruar nga mësuesja e fillores Drita Topjana, e cila përveç artit të mësimdhënies ka pasion edhe të shkruarin përmes vargjeve. Poezia e saj veçanërisht vë në dukje sjelljen e individit.

Ndërgjegjja dhe Njeriu

Tha ndërgjegjja të sfidoj,

çdo betejë e fitoj.

Thotë njeriu mendjendritur,

  jam i fortë dhe luftoj.

Tha ndërgjegja mendo mirë,

ndaç për t`u ripërtërirë.

Thotë njeriu mendjehollë,

jam zgjuar, jam me shkollë.

Tha ndërgjegjja zgjohu,

mos shko larg, se ke humnerë.

Thotë njeriu grykëmadh,

s`më mjafton, dua prapë.

Tha ndërgjegja a të sfidova,

në luftë me veten të lëshova.

Ia kthen njeriu zemërvrarë,

kësaj lufte s`i bëj dot ballë.

Tha ndërgjegjja kthehu,

miqësohu me shpirtin e rrëfehu.

Thotë njeriu s`kam rrugë tjetër,

luftën më të madhe e kam me veten.

Tha ndërgjegjja tjerre maskën,

maska është armiku yt.

Kthen njeriu zemërmirë,

nis me drejtësi e bamirësi. 

Kur njeriu u zgjua,

filloi shpirti u madhështua,

iu hap udha e besimit,

u shtuan  degët e ullirit.

Drita Gjaci Topjana

N. Allkja Biçaku

 © Portali Shkollor – Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Midis mësimit në shkollë dhe jetës, unë zgjedh JETËN. Po ju?

Next Article

Praktika profesionale, plani mësimor i praktikantit, klasa I-V

Related Posts