Në mjediset e librarisë Albas u zhvillua një takim i ngrohtë me miqtë e klubit “Miushi lexues” dhe autores Sevi Lami Agolli. Kësaj here këtij klubi leximi iu bashkuan nxënësit e klasës së dytë të shkollës “Osman Myderizi”, të cilët biseduan për librin e ri të autores “Hajdutja e buzëqeshjeve”.
Në mjediset e këndshme të librarisë “Albas u zhvillua një takim i ngrohtë me miqtë e klubit “Miushët lexues” dhe autores Sevi Lami Agolli. Kësaj here “Miushët lexues” të klubit të leximit ishin nxënësit e klasës së dytë të shkollës “Osman Myderizi”, që hynë gjithë hare dhe gëzim me libra në duar në mjediset e librarisë. Krahas librit “Hajdutja e buzëqeshjeve”, që e kishin lexuar më parë, me vete kishin dhe një fletore, ku kishin përgatitur pyetje pafund për autoren. E futur mes tyre, autorja iu përgjigj të gjitha pyetjeve të tyre nga më të ndryshmet, si:
– Cili nga këto tregime të pëlqen ty më shumë?
– Çfarë të shtyu të botosh një libër të tillë?
– Cilat janë disa nga gjërat që të frikësojnë më shumë dhe çfarë bën kur përballesh me ta?
– Po për ty, cila është “hajdutja” që të vjedh buzëqeshjet?etj.
Shumë nxënës të kësaj klase kishin shkëputur nga tregimi i tyre i preferuar edhe paragrafin që pëlqenin më shumë. Ata ndanë me autoren dhe mësuesen Nilën përvojat dhe ngjarjet që i kishin frikësuar më shumë dhe folën për rregullat që duhet të mbanin parasysh kur përballeshin me ngjarje të tilla.
Takimi u mbyll me duartrokitje dhe secili nxënës më librin në dorë mori një autograf nga autorja, për ta pasur kujtim nga jeta e tij fëmijërore dhe nga kjo orë bashkëbisedimi me autoren.
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
