Këshilla për takimet prindër-mësues

Si të ndërtoni një marrëdhënie me prindërit, të mbuloni informacionet thelbësore dhe të diskutoni përparimin e nxënësit – në 15 minuta!

Nuk është e vështirë për një takim prindër-mësues të dalë jashtë binarëve. Nëse një prind ka për të thënë diçka në lidhje me kodin e veshjes së shkollës, kjo bisedë mund të konsumojë shpejt gjithë kohën e takimit – duke i lënë disa minuta të çmuara mësuesit për të shpjeguar notat e nxënësve ose për të diskutuar çështje akademike dhe të sjelljes.

Kjo është arsyeja pse mësuesit e zgjuar planifikojnë përpara për të përfituar sa më shumë nga koha e tyre e shkurtër ballë për ballë me prindërit. Ndjekja e këtyre këshillave do të sigurojë që takimet prindër-mësues të jenë sa më produktive.

1. Vendosni bazat

Takimet nuk duhet të jenë hera e parë që komunikoni me prindërit. “Unë gjithmonë sigurohem që kam pasur kontakte të vazhdueshme me ta për gjëra pozitive paraprakisht, kështu që tashmë ka një marrëdhënie”, thotë Katie Hartman, mësuese e klasës së katërt në York, Pensilvani.

Hartman u dërgon gjithashtu një pyetësor prindërve përpara takimeve për të zbuluar se për çfarë duan të flasin. Ajo gjithashtu u kërkon nxënësve të plotësojnë vetëvlerësimet, më pas takohet me ta për të folur mbi përgjigjet e tyre.

2. Theksoni pozitiven

“Unë nuk mendoj se prindërit duan të vijnë dhe të dëgjojnë vetëm një mori gjërash negative, veçanërisht nëse përvoja e tyre në shkollë ishte negative”, thotë Jill Franjione, mësuese. “Kjo nuk do të krijojë një marrëdhënie të mirë.”

Ndërsa mësuesit duhet të jenë të sinqertë kur kanë shqetësime, është më mirë t’i diskutoni me prindërit për të arritur në zgjidhje, në vend që thjesht të tregoni rreth detyrave të humbura dhe problemet e sjelljes.

“Sa herë që mund të gjeni një mënyrë për t’u lidhur personalisht me prindërit ose për të dëgjuar atë që ata thonë, kjo ndihmon”, thotë Alina Davis, edukatore në Orlando, Florida. “Ju të dy jeni aty për të bërë atë që është më e mira për fëmijën, edhe nëse mund të mos shikoheni sy më sy në çdo gjë.”

Një mënyrë e thjeshtë për të dërguar mesazhin se jeni në të njëjtin ekip me prindërit: Lërini të ulen pranë jush në një tavolinë në vend që të jenë përballë jush.

3. Jini specifik

Në vend që të përpiqeni të flisni për gjithçka, planifikoni temat specifike për të cilat do të flisni gjatë takimeve. Kjo mund të nënkuptojë një diskutim të thellë rreth notave të nxënësve me të gjithë prindërit, ose një temë të ndryshme për secilin, në varësi të nevojave të tyre.

Në secilin rast, keni shembuj specifikë të punës së nxënëve që mund të ndihmojnë në ilustrimin e mendimit tuaj për prindërit.

“Unë prirem të sjell gjëra që tregojnë rritjen më të madhe”, thotë Danielle Brown, mësuese në Arizona. “Një shembull është që nxënësit i shkruajnë emrat e tyre në ditën e parë dhe më pas i shkruajnë emrat e tyre katër javë më vonë. Kjo është diçka që prindërit duan ta shohin.”

“Një rishikim i projekteve si eksperimentet, prezantimet dhe dokumentet kërkimore bëjnë një punë më të mirë për të angazhuar prindërit sesa gjëra të tilla si fletët e punës ose të dhënat e papërpunuara”, thotë Lindsey Petlak, mësuese e klasës së katërt në Highland Park, Illinois. 

4. Sqaroni

“Unë sigurohem që prindërit të kuptojnë terminologjinë që po përdor”, thotë Davis. “Shumë herë, ne thjesht hedhim letra që nuk kanë kuptim për ta.” Përpiquni të shmangni akronimet dhe zhargonet specifike të arsimit, përveç nëse jeni i sigurt se prindërit do ta kuptojnë atë që keni parasysh.

5. Ndiqni

Takimet prindër-mësues janë më efektive nëse nuk janë një ngjarje e vetme, por pjesë e një marrëdhënieje më të madhe me prindërit. Petlak-u, mësuese, e vazhdon bisedën duke u dhënë prindërve detyra që duhet të kryejnë me fëmijën e tyre kur të shkojnë në shtëpi. Në vjeshtë, ajo u kërkon atyre të dalin me synime për vitin e ri shkollor së bashku. Dhe në pranverë, ajo u kërkon prindërve të marrin portfoliet e nxënësve në shtëpi dhe të shkruajnë pyetje dhe komente për fëmijët e tyre.

Era Baliu

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Këshilla për mësuesit e rinj, nga mësuesit me përvojë

Next Article

Luan Stafasani: Si i përdorim fjalët e urta e shprehjet frazeologjike gjatë procesit mësimor edukativ

Related Posts