Elbasan, Policia Rrugore u jep mësim nxënësve

Sektori i Qarkullimit Rrugor në Drejtorinë e Policisë së Elbasanit, në bashkëpunim me shkollën “Qamil Guranjaku” kanë organizuar një orë mësimi dhe praktike informuese me nxënësit për një lëvizje të sigurtë në rrugë.

Qëllimi i këtij aktiviteti, sipas Policisë Rrugore, është edukimi i kalimtarëve që në moshë të vogël për të respektuar rregullat e qarkullimit.

“Sot neve, me një grup nxënësish, kemi dalë këtu në kryqëzim për t’i mësuar këta nxënës për mënyrën se si të kalojnë rrugën nga një trotuar në tjetrin, duke u treguar vizat e bardha dhe shumë shenja rrugore që kalimtarët duhet t’i respektojnë”, ka deklaruar Mustafa Hidri, punonjës i policisë rrugore.

Qeveria shqiptare e ka cilësuar prioritet madhor rritjen e sigurisë rrugore. Në kuadër të masave të marra në këtë drejtim, përveç forcimit të rregullave të qarkullimit rrugor dhe zbatimit të tyre ka nisur edhe një fushatë ndërgjegjësuese e edukative që fillon në bankat e shkollës.

(Top Channel)

©Portali Shkollor – Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Zv/ministrja informoi për procesin e rishikimit të teksteve shkollore

Next Article

"Do grupojmë shkollat që kanë më pak se 30 nxënës"

Related Posts