Mësuese Drita Topjana sjell për Portalin Shkollor, dy krijime të saj, dy poezi. Njëra me titull “Atdheu” dhe poezia tjetër “E ardhmja e kombit”, në emër të simbolikës së 28 dhe 29 nëntorit.
ATDHEU
Sa ëmbël tingëllon kjo fjalë!
Sa dëshmorë për ty ranë?
Stolisur për bukuri,
e ka emrin Shqipëri.
Natyra të zbukuron,
ëndrrat tona na i zgjon.
Rinia larg po shikon,
estetikë për ty kërkon.
Këtë bukuri trëndelinë.
E njeh bota anembanë.
Në Evropë lulja me emër.
Gjithë shqiptarët t’kanë në zemër!
Kurrë këto fjalë nuk do t’i lëmë
brez pas brezi, fëmijët do t’i nxënë,
se jemi shqiptarë, kemi gjak shqiptari,
kjo është Shqipëria, ky është Atdhetari.
E ARDHMJA E KOMBIT
Kërkon Shqipja, fëmijët e vet,
nipa, mbesa, gjakun krejt,
ikën jashtë, shtet më shtet,
lanë vendlindjen, shtëpinë shkretë.
Ku je shqiptar, ku je Rini?
Nëpër botë po përparon.
Pa mendo, për Shqipëri!
Eja, vendin tënd ta gëzosh.
Ju nga vendi u larguat
shumë u plak kjo shoqëri,
në dhe të huaj emigruat,
i latë prindërit, në vetmi.
Veç për ju duke menduar,
një herë në vit i keni takuar,
por s`mjaftojnë, ato pak ditë,
prindërit me mall ngarkuar.
U flet Shqipja, me dy krena,
në zemër ju kam ngahera.
Edhe ju në zemër më keni
Po, në vendin tuaj s`jeni.
Dhe pse u larguat në lule të rinisë,
ju festoni Përvjetorët e Shqipërisë.
Mëmëdhenë n`vend t`huaj e doni,
shumë vendlindjen e vlerësoni.
Drita Topjana
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
