E themeluar nga Kombet e Bashkuara në vitin 1954, Dita Universale e Fëmijëve synon të promovojë mirëqenien e fëmijëve. Nën kujdesin e mësuese Majlinda Alikaj, në shkollën “Mark Dashi”, ky aktivitet u realizua si më poshtë.
E themeluar nga Kombet e Bashkuara në vitin 1954, Dita Universale e Fëmijëve synon të promovojë mirëqenien e fëmijëve kudo, si dhe të inkurajojë mirëkuptimin ndërmjet fëmijëve në gjithë botën. Kjo është po ashtu dita kur Asambleja e Përgjithshme e Kombeve të Bashkuara ka miratuar Deklaratën e të Drejtave të Fëmijës në vitin 1959 dhe Konventën e të Drejtave të Fëmijës më 1989.
Ndaj, në shkollën “Mark Dashi”, Fier, kjo ditë u prit me shumë aktivitete, të krijuara nga vetë nxënësit nën kujdesin e mësuese Majlinda Alikaj. Këto aktivitete janë krijuar nga nxënësit e klasës së gjashtë. Në fokus vizatimet, posterat, krijimet, poezitë, kanë të drejtën e fëmijëve për arsimim, për gjithëpërfshirje, për edukim, për familje, etj.
Është e rëndësishme që fëmijët t’i njohin të drejtat e tyre. Ju prezantojmë me disa prej tyre të shkruara nëpër postera:
– “Nëse s’mund të fluturosh, vrapo, nëse s’mund të vraposh ec, nëse s’mund të ecësh kacavjerru, por sidoqoftë vazhdo të shikosh përpara”
– “Të drejtat e mia, e ardhja ime”
– “Mbrojtja mendore”
– “Mbrojtja kundër të gjitha formave të shfrytëzimit dhe dhunës fizike apo mendore”
– “Respekti për nevojat tuaja, të jeni të ushqyer siç duhet, të veshur, të keni nje banesë dhe të kujdeseni për veten”
– “T’u sigurohet dinjiteti dhe autonomia juaj kur jeni të sëmurë, ose keni aftësi të kufizuara fizike apo mendore”.
– Kam të drejtë të kem një emër”
– “Kam të drejtë të kem një familje”
– “Kam të drejtë të arsimohem”
– “Kam të drejtë të luaj”
– “E drejta për atdhe”
– “E drejta për t’u informuar”
– “E drejta për një emër”
– “E drejta për familje”
– “Mbrojtja e jetës suaj private duke përfshirë këtu edhe rrjetet sociale, askush nuk ka të drejtë t’ju ngacmojë”.
– “E drejta për t’u shprehur”
– “E drejta për të mos u ndjerë i diskriminuar”
– “E drejta për argëtim”
Aktiviteti përcolli moto të ndryshme si:
“Buzëqeshja e një fëmije është melodia më e bukur në botë” apo “Arsimimi nuk është përgatitje për jetën, arsimimi është vetë jeta”.
P. Shtini
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
