Vargjet në vijim, janë shkruar nga Joni Lulo, e cila konkurron me këtë poezi në konkursin për poezinë më të mirë të dashurisë që zhvillohet në kuadër të 14 shkurtit, ditës së dashurisë.
Për pak mendova se ishim pranë,
se zemra e njërit rrihte për të tjetrit,
se sytë tanë u ndezën flakë
nga dëshira që buronte prej shpirtit
Ndjeva aromën tënde prapë
tek përkëdhelte qenien time
e më bënte si kurrë mëparë
të marrosur, plot tundime.
E pastaj ajo buzëqeshje jotja
që ta shkul nga vendi zemrën
të bie kokë-e-këmbë për ty
verbërisht të ta besoj jetën
Zë i ëmbël pak nga pak
me vitet do të venitet
po ajo dashuria jonë prapë do të jetojë
do jetojë mbi vite.
© Portali Shkollor – Të gjitha të drejtat e rezervuara. Ndalohet kopjimi pa lejen tonë.
