“Një nga problemet më të mëdha që ne do të përballemi shumë shpejt është fakti që kemi një kategori 30-40% të moshës nga 25-45 vjeç, të cilët nuk kanë bërë as arsimin bazë. Është kategoria e atyre njerëzve që dikur kanë ikur jashtë; kanë bërë punë sezonale; janë rikthyer prapë dhe janë pa arsim”, Nora Malaj.
Pedagogia Nora Malaj paralajmëroi se vendi ynë do të përballet me një problem të madh, që është analfabetizmi i fshehtë.
Në një intervistë në një prej medieve në vend, Malaj u shpreh se 30-40% e moshës nga 25-45 vjeç nuk kanë bërë as arsimin bazë. Sipas saj, kjo kategori e ka edhe të vështirë që të punësohet.
“Pas kaq vitesh, ne me të vërtetë kemi ndërtuar disa shkolla por kemi përballë fenomenin e shpopullimit, fenomenin e braktisjes, fenomenin e analfabetizmit të fshehtë. A e dini ju që sot po përballemi, ende nuk ka dalë si problem, por po e them sot. Një nga problemet më të mëdha që ne do të përballemi shumë shpejt është fakti që kemi një kategori e cila është nga 30-40% e moshës nga 25-45 vjeç, të cilët nuk kanë bërë as arsimin bazë. Është kategoria e atyre njerëzve që kanë ikur jashtë; kanë bërë punë sezonale; janë rikthyer prapë dhe janë pa arsim”, ka thënë Malaj.
Përgatiti Nanila Allkja Biçaku
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
