Aktiviteti nga mësimdhënësja Fatlume Mehmeti për 17 Shkurt, Pavarësinë e Kosovës

Me rastin e 14-vjetorit të pavarësisë së Kosovës, në SHFMU  “Shaban Jashari” në Skenderaj, mësimdhënësja e klasës së dytë, Fatlume Mehmeti, kishte organizuar një aktivitet me nxënësit e saj.

Nxënësit e kësaj klase kanë krijuar një puzzle me hartën e Kosovës dhe gjashtë yje të bëra nga letra, ndërsa në sfond është dëgjuar kënga “Vendi im”, të cilën e këndojnë një grup këngëtarësh dhe producentësh të Kosovës. 

E pyetur nga Portali Shkollor se si u inspiruat për organizimin e këtij aktiviteti, mësuesja Fatlume tha:

“Mësimdhënia është art dhe shkencë, prandaj ne së bashku me nxënës harmonizuam artin dhe shkencën për të realizuar një projekt të tillë.”

Në pjesën e dytë të aktivitetit për 17 Shkurtin, me shumë emocione, nxënësit recituan poezitë që kishin shkruar për Ditën e Pavarësisë së Kosovës. 

Në pjesën e tretë të kësaj ngjarjeje, drejtoresha e shkollës, Hyra Gashi Tahiraj, falënderoi shtëpinë botuese Albas, që për nder të Ditës së Pavarësisë së Kosovës, dhuroi një numër të madh të librave për fëmijë për biblotekën e shkollës. Me këtë rast, ajo ndau një mirënjohje në shenjë falënderimi për Albasin.

Në fund nxënësit vallëzuan me këngën e njohur “Xhamadani vija-vija”. 

Më poshtë mund t’i shihni disa foto nga kjo ngjarje:

Era Baliu

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Total
0
Shares
Leave a Reply

Your email address will not be published. Required fields are marked *

Previous Article

Nxënësja Leonita Maliqi, autore e pikturës “Vajza me plis”

Next Article

143-vjetori i lindjes së Luigj Gurakuqit / Ministrja Kushi: Nga sot, salla kryesore e MAS do të mbajë emrin e atdhetarit të shquar

Related Posts