21 marsi, Dita Botërore e Poezisë

21 marsi shënon ditën botërore të poezisë. 

Kjo ditë ka për qëllim nderimin e poetëve, leximin, shkrimin, promovimin e botimin e poezisë në të gjithë botën. Gjatë kësaj dite, në shumë vende të botës zhvillohen konferenca, mbrëmje poetike e takime për të lexuar e analizuar poezi.

Kjo ditë u shpall nga UNESCO në 1999, për t’i dhënë shtysë lëvizjeve poetike kombëtare, rajonale dhe ndërkombëtare, për të treguar ndërlidhjen e poezisë me artet e tjera, si edhe për të promovuar më gjerësisht poezinë në media.

Poezia i ka rrënjët në lashtësi, në formën epike, që u ndërtua në vargje për t’u përhapur lehtësisht në mënyrë gojore. Me kalimin e kohës, poezia mori trajta të ndryshme në varësi të parimeve estetike të çdo epoke.

“Si një formë intime e të shprehurit që u hap dyert të tjerëve, poezia pasuron dialogun që përcjell përparimin njerëzor dhe është më i nevojshëm se ndonjëherë në kohë të turbullta”, tha Audrey Azoulay, Drejtore e Përgjithshme e UNESCO, me rastin e Ditës Botërore të Poezisë 2022.

Përpara se të caktohej data 21 mars, dita botërore e poezisë festohej në tetor, në emër të Virgjilit, i cili lindi më 15 tetor në vitin 70 para erës sonë.

©Portali Shkollor– Të gjitha të drejtat e rezervuara. Ndalohet kopjimi pa lejen tonë.  

Total
0
Shares
Leave a Reply

Your email address will not be published. Required fields are marked *

Previous Article

Gjuha dhe të kuptuarit e saj tek fëmijët me sindromën Down

Next Article

Si të punoni me fëmijët që nuk dëgjojnë? Orientime praktike nga Mariglena Muci

Related Posts

Notice: ob_end_flush(): failed to send buffer of zlib output compression (0) in /home/albas/public_html/portali/wp-includes/functions.php on line 5427